طريقة تحضيربريوات بالدجاج و الكفتة و الكاشير

 السلام عليكم و رحمة الله تعالى و بركاته
مرحبا بكم حبيباتي و عزيزاتي متتبعات موقع عالم المراة المغربية و العربية
المزيد من الوصفات الرمضانية و المزيد من الشهيوات المغربية نقدمها لك سيدتي 

طريقة تحضيربريوات بالدجاج و الكفتة و الكاشير 

 

المقادير 

رابعة كفتة
2 فخاذ دجاج
2 بطاطس كبار مصلوقين ومقطعين صغار
كاشير مقطع صغير
زيتون خضر مقطع صغير
قليل من الملح
الابزار
فلفلة حارة حسب الطلب

سكنجبير
زيت زيتون2 معالق كبار
ورقة البسطيلة نصف كيلو
طريقة التحضير

الحشوة
ناخذو الدجاج نصلقوه مع الملح وبعد ما يتسلق نحيدولو العظم ونفرتوه باليد كي كون سخون ونصلقو الكفتة مع الملح وابزار وسكنجبير ونصلقو البطاطس ونفطعوها صغير من بعد نخلطو الكفتة مع دجاج مع بطاطة مقطعة ونزيدو الكاشير مقطع وزيتون خضر ونخلطو كولشي ثم نزيدو الملح وفلفلة حارة وابزار ونزيدو نجمعهم بمايونيز (طريقة تحضير مايونيز: صفار بيضة نخلطوه مع شوية خل وشوية ملح ونقطعو فيها قصبر ونحركوها مزيان حتي تختر) ونضيفوها علي الحشوة ونخلطو مع شوية زيت الزيتوت ثم نتركوها شوية حتي مقادير يخمرو شوية ثم ناخدو ورقة البسطية نقطعوها علي 3 ونديرو الحشوة ونطويوها علي شكل مثلث ولا سيكار ثم نوجدو مقلات فيها زيت سخونة ونبداو نقليو لبريوات حتي تحمر مزيان وتاخد لون ذهبي 

و بالصحة و الراحة 

و رمضان مبارك كريم