تيعجبك البغرير,,دخلي عندي ليك بغرير ساهل و سريع
السلام عليكم و رحمة الله تعالى و بركاته
مرحبا بكل زوار موقع عالم المراة المغربية و العربية لكل ما يخص المراة المغربية بصفة خاصة و المراة العربية بصفة عامة
اليوم ان شاء الله و كيف العادة و مع رمضان على الابواب تنزيد نقدم ليكم شهيوات لفطور رمضان
كلنا تنعرفو البغرير و ما كايناش شي سيدة مغربية ما تطيب البغرير في رمضان و كاينة الي تيصدق لها و كاينة الي ما تيجيهاش زوين انا اليوم نعطيكم مقادير البغرير ساهلة و مضمونة و جربو و ردو عليا الاخبار
المقادير
زلافة سميدة رقيقة
نصف زلافة دقيق فورص
2 خمارات
قبصة ملح
شوية الخميرة ديال الدار
الماء دافئ
الطريقة
كيف تنعرفو طريقة البغرير المعتادة تنخلطو كلشي ما عدا الخمارات تنخليهم هما في الاخر
تنديره في كاس مولينكس و نطربوه مزيان حتى تحصلي على خليط البغرير و ضيفي له الخمارات و طربي شوية حتى يتخلط و تخليه يخمر و من بعد جيبي مقله الخاصة بالبغرير و بداي طيبي و النتيجة راها مرضية.
بالصحة و الراحة
ليست هناك تعليقات