جديد بسطيلة بالدجاج معسلة و معلكة من الداخل

السلام عليكم و رحمة الله تعالى و بركاته 

مرحبا بكل متتبعي و متتبعات موقع عالم المراة المغربية و العربية 

اهلا و سهلا بكن حبيباتي اليوم عندي ليكم واحد البسطيلة غزاااالة تتجي معلكة و معسلة من الداخل 

بسطيلة بالدجاج بطريقة جديدة 

مقادير و طريقة عمل البسطيلة بالدجاج 

  2 دجاجات 

+ نص كاس الماء

 + 2 عود قرفة

 + 2 م ك سنيدة 

+ ملح 

+ نص م ص ابزار م ص سكينجبير

 + نص م ص قعقلة

+ نص م ص بسيبيسة

 + 2 قرنفل مدقوق

 + 4 مسكة حرة مدقوقة 

+ م ك السمن 

+ خرقوم بلدي 

+ م ك بودرة اللوز ونشرمل ونخليه يرقد نص ساعة
نشحرو في طنجرة حتى ينشف من الماء 

+ كيلو بصلة بيضاء

 + زلافة صغيرة الربيع مقطع 

+ كاس زيت ونخليه يتشحر ربع ساعة حتى 20 دقيقة مزيااان ونضيف كاس كبير الماء

 + زعفران حر من بعد ما سخنتو شوية وندوبو في شوية الما ونخليه راقد 5 دقايق عاد نضيفو
مللي يطيب نحيد الدجاج ونخلي المرق يشرب ونفرتت الدجاج ونحيد ليه العطومة ونحطو
ناخد المرق اللي تعلك ونقسمو على 2
النص الاول نرجع ليه الدجاج

 + 2 م ك السكر او 3 

+ م ص القرفة ونخليه فوق نار مهيلة جدا حتى يتعسل و يولي اللون ديالو بني و تبقى تبان غير الزيت ونصفيه من الزيت
و النص الثاني نضيف ليه 10 بيضات مطربين ونطرب الكل

 + م ك سنيدة 

+ ملح

 + نص م ص قرفة ونديرهم فوق النار مهيلة في كوكوط ونغطيها ونخلي البيض يطيب مع التحراك حتى يطيب و من بعد نبقى نشحرو 5 دقايق حتى يتحيد الما نهائيا و تبقى تبان غير الزيت ونصفي منو الزيت ... من بعد نخلط المرق كلو
ناخد كيلو الا ربع حتى ل كيلو ديال اللوز يتصلق و نقشروه وينشف ونقليه في الزيت ونهروشوه ونضيف ليه بيضة مطربة 

+ 4 م ك سكر كلاصي او 4 م ك حليب مركز محلى 

+2 حبات مسكة حرة + م ص الزهر اختياري

 + 3 م ك من الزيت اللي قلينا فيها اللوز 

+ نص م ص قرفة ونخلط كولشي
الزيت اللي صفينا من المرق هو اللي ندهن بيه الورقة ديال البصطيلة
ممكن ندهن شي ورقة من البصطيلة وندخلها الفران حتى تحمر شوية و نفرق بيها الدجاج من الوسط
ونعمر البصطيلة ونزينها باش ما بغيت بحال العسل و اللوز مهروش مثلا.

و شهية طيبة .