وصفة طبيعية و مجربة بمكونات جد سهلة لتبييض الجسم كاملا في مدة قصيرة

السﻻم عليكم و رحمة الله تعالى و بركاته 

موقع عالم المراة المغربية و العربية يقدم لك سيدتي وصفة طبيعية لتبيض جسمك كاملا و في مدة قصيرة 

وصفة لتبييض الجسم بالكامل في مدة قصيرة جدا

افضل واسرع وصفة لتبييض الجسم بالكامل

المقادير : 

صابونة دوف + قرعة ماء ورد + 2ملاعق دانون مسوس  + 4ملاعق كبار زيت الزيتون + 4ملاعق كبار جليسيرين +معلقة كبيرة زيت اللوز +عصير حامضة

طريقة تحضير : حكي صابونة دوڤ و ديريها فكاسرونة زيدي عليها قرعة ماء الورد 2 معالق دانون مسوس

ديريها فحمام مريم و ديريها فوق النار و خليها تذوب

في زلافة ديري 4 معالق كبار زيت زيتون كتزيدي عليهم 4 معالق كبار جليسيرين+ معلقة كبيرة زيت اللوز أو أي زيت عندك+عصير حامضة منين يبان ليك الصابون ذاب زيدي عليه الخليط و حركي مدة 2 دقائق فقط

حيدي الكاسرونة و حطيها تبرد شي 3 دقائ أسكبي الخليط في طاسة و خليه حتى يبرد مدة ساعتين من بعد ديريه فالثلاجة هاهي خلطة تبييض وتنعيم الجسم جاهزة للاستعمال

طريقة استعمال : خاص الجسم ديالك يكون نظيف،تاخذي الخلطة و توزعيها على كامل جسمك و تخليها حتى تنشف ، من بعد لبسي شي بيجاما قديمة عندك و بقاي هاكاك من 3 إلى 5 ساعات من بعد خودي دوش غير بالماء وإسفنجة فقط ،راه الخلطة غادي ترغوي راسها نشفي مزيان و دهني كريم جمسك الخاص و تمتعي بالنعومة دابا اللي مقبلات على الزواج : والله كنضمن لك في شهر إلا تبعتي الطريقة اللي غادي نقول ليك ،غادي يولي جسمك رائع ،بياض و نعومة غادي تستعملي الخلطة يوميا 6 أيام في الأسبوع إلا نهار الحمام لكن ملي غادي تدهني بالخلطة غادي تباتي بيها ليل كلها و الصباح تدوشي بالطريقة الي قلت في الأول و الي مزوجة تستعملها وقت اللي تكون كتقضي شغال الدار و تخليها كيف ذكرت في الأول ،هاد الخلطة للجسم كله إلا الوجه،أنا كندهنها من عنقي حتى لرجليا،و حتى للمنطقة الحساسة بين الفخضين راه فعالة