صوبتو رايبي اجيو نقلكم اشنو ديرو بيه,,كيكة راااائعة

السلام عليكم و رحمة الله تعالى و بركاته 

مرحبا بكم حبيباتي 

و اهلا و سهلا بكم في موقع عالم المراة المغربية و العربية 

اليوم بعد ما قلت لكم كيفاش تحضرو رايبي في البيت دابا غادي نوريكم اشنو تحضرو بيه 

كيكة روووووعة و سهلة جدااا تتصاوب برايبي و تتجي بنينة وهشيشة و يمكن لاي وحدة تحضرها واخا ما تكونش عندها فكرة عن الطبخ

 

 

المقادير

2 بيضات
كأس سنيدة
كأس زيت
1 رايبي
1 فاني
ملح
2خميرات حمرين
2 كيسان ونصف دقيق
للتزيين:

شكلاط اسود
ملعقة حليب
معلقة صغيرة زبدة
1 كاكاو.
طريقة التحضير:

في الخلاط كنديرو البيض و سنيدة و الفاني و الملح

كنخلطو مزيان ثم كنضيفو الزيت و رايبي

وكنخلطو ثم كنضيفو الخميرة و الدقيق

ومنبعد كنجبو المول مدهون بالزبدة و الدقيق

و كنصبو العجين في المول و ندخلوه الفرن 40 -45 دقيقة

ملي تبرد كنزينوها في كاسرول

كنديرو الشكلاط الكاكاو الحليب و الزبدة حتى يدوبو مزيان و نصبوه فوق الكيكة

 التزيين حسب الذوق

انا زينتها ب الكوكياج ديال شكلاط انا ليدرتهوم ف المول ديال السليكون

و شويا ديال الكريمة

و هاهي كيكة رايبي ديالنا وجدة

بالصحة و الراحة و شهية طيبة