طريقة تحضير بريوات بالدجاج و الجزر

السلام عليكم و رحمة الله تعالى و بركاته 

مرحبا بكم في موقع عالم المراة المغربية و العربية 

و كما عودناكم المزيد من الشهيوات الرمضانية بما اننا في شهر رمضان المبارك تنقترح عليكم البريوات بالدجاج و الجزر تيجيو غزالين و المذاق بنين 

مقادير بريوات بالدجاج
كفتة الدجاج
خيزو محكوك (جزر )
بصلة مقطعة رقيقة
الشعرية صينية مرطبة
صلصة صوجا (اختيارية)
الملح والتوابل حسب الرغبة (ابزار ، سكنجبير ...)
المعدنوس مقطع رقيق
طريقة بريوات بالدجاج
ناخد مقلة ندير البصلة + الكفتة تاع الدجاج +الملح و التوابل حسب الرغبة + صلصة صوجا ونشحروا الكل مزيان من بعد كنضيف خيزو ونشحروا الكل شعرية صينية ونحركو الكل حتى يطيب وفالأخير نضيف المعدنوس ونحرك ونطفي العافية ونخلوه شوي يبرد من بعد كنخد الورقة كنقسمها على جوج حيت الورقة صغيرة ونبدا نقاد فالبريوات حتى نكمل كلشي من بعد ناخد صفر بيضة وشوي من الحليب كنخلطهوم وندهنوا به البريوات وندخلهم الفران وهاهما بريوات بالدجاج وجدين

الصور توضح الطريقة 

بالصحة و الراحة