فطائر مالحين بحشوات مختلفة تطيب في الفرن

السلام عليكم و رحمة الله تعالى و بركاته 

 

مرحبا بكم حبيباتي و عزيزاتي متتبعات موقع عالم المراة المغربية و العربية

المزيد من الشهيوات الرمضانية اليوم اقدم لكم مجموعة فطائر لذيذة بحشوات مختلفة و تطيب في الفران 

بالنسبة للعجين

3 كيسان دقيق كل كاس يهز 180g

 نص كاس دانون طبيعي

 ملح

4 معالق زيت 

معلقة خميرة د الحلوة

معلقة كبيرة خميرة حبوب

معلقة سكر

كنخلط خميرة حبوب ديال الخبز مع سكر و-3 معالق ما دافي ونغطيه ونخليه يخمر ملي يطلع الخليط نزيد على باقي المقادير ونعجنو بالماء كتجي رخوة نغطيها ونخليها تخمر

بالنسبة للحشوة ممكن تستعملو لي بغيتو

أنا ليوم استعملت 4 حشوات من إختياري وشكلت عجينة على 4 أشكال
و انتم لكم الإختيار

الحشوة الأولى
شحرت كفتة مع بصلة زيت زيتون و عطرية وربيع وزدت عليها زيتون أسود مطحون
 

وطريقة الحشوة
كنقطع العجين كويرات ونغطسهم ف زيت ونستفهم ف طاوة

من بعد نضغط عليهم من لوسط على هاد شكل ونتقبهم بالشوكة
 

نعمرهم وندير زعتر وندهنهم بالبيض
ونرش حبات البركة أو ليبغيتو
ملي طابت درت عليها فروماج محكوك

الحشوة التانية
شحرت السبانخ مع بصلة
ملح بزار ربيع وزدت فروماج كريمي

 

طريقة الحشوة
قطعت العجين دوائر حطيت الحشوة

 

 وجمعتها من جناب على هاد شكل

 

 دهنته بالبيض ملي طابت درت عليها فروماج محكوك
الحشوة التالتة
شحرت بصلة مع فلفلة وزيت زيتون
زدت الطون ملح بزار ربيع زيتون خضر مطحون
 

الطريقة
قطعت العجين مربعات ذهنتهم ف الفروماج ممكن دهنو بالميونيز

 

وحطيت العمارة وفروماج محكوك وجمعتها على شكل حربل و دهنتها بالبيض ورشيت زنجلان

الحشوة الرابعة
قطعت العجين دوائر
حطيت فرماج كريمي ورشيت بالزعتر وجمعتها على شكل خبيزة دهنتها بالبيض
ملي طابت درت عليها فروماج محكوك
 

 بالصحة والراحة